Mae Cadwch Curiadau yn gronfa benodol o fewn Awyr Las, elusen GIG Gogledd Cymru, sy'n darparu gwasanaethau ychwanegol sy'n mynd y tu hwnt i beth mae'r GIG yn ei ariannu o fewn BIPBC.

Ynglŷn â Cadwch Curiadau

Mae'n cael ei redeg gan staff y rheng flaen a chleifion cardiaidd, sy'n deall yn well nag unrhyw un, ble gall gwario ychydig o arian ychwanegol ar wasanaeth, wneud gwahaniaeth mawr.

Ataliad y galon yw pan fo'r galon yn rhoi'r gorau i guro.

Mae CPR a defnyddio diffibriliwr cyn i'r ambiwlans gyrraedd yn dyblu’r siawns o oroesi
Mae data cynnar yn awgrymu nad yw 75% o unigolion yn BIPBC sydd wedi cael ataliad y galon yn cael CPR cyn i gymorth meddygol gyrraedd
Yng Nghymru, dywedwyd bod cyfraddau goroesi wedi bod mor isel â 3%
Mae hynny o'i gymharu â gwledydd eraill sydd â chyfraddau goroesi mor uchel â 25%

Mae "Cadwch Curiadau" eisiau pawb yng Ngogledd Cymru ddeall sut i berfformio CPR sylfaenol, a gweithredu diffibriliwr, gan mai dyma'r unig ffordd i ailsefydlu curiad calon naturiol y galon, a helpu i achub bywydau.

Mae bob eiliad yn cyfrif, os nad ydych yn gwneud rhywbeth mae'r siawns o oroesi yn gostwng 10% bob munud. Mae "Cadwch Curiadau" yn cefnogi ei gymuned Gogledd Cymru gyda hyfforddiant diffibriliwr a CPR, ac yn gofyn i unigolion fel chi, fod yn ymwybodol o ble mae eu diffibriliwr cymuned agosach, a byddwch yn barod i "roi CPR a cheisio peidio â cherdded heibio".

Rydym yn sefydlu cenedl o unigolion sy'n achub bywydau, a gwella tair dolen gyntaf y gadwyn oroesi, gan gefnogi ymgyrch Llywodraeth Cymru, Achub Bywyd Cymru: http://www.savealifecymru.wales

Cofiwch!

Pan rydych yn dod o hyd i rywun sydd wedi ymgwympo, os yw'n ddiogel;

Gwiriwch ei ymateb drwy ysgwyd ei ysgwyddau yn ysgafn, a gofyn a ydynt yn iawn
Gwyrwch y pen yn ôl yn ysgafn, a gwirio a ydynt yn anadlu
Ffoniwch 999, a gofynnwch am ambiwlans
Os nad yw'n anadlu, dechreuwch gywasgu'r frest, gwthiwch yn galed ac yn gyflym yng nghanol y frest, a pharhau nes i'r ambiwlans gyrraedd
Pan rydych yn ffonio 999, bydd gweinyddwr yr ambiwlans yn dweud wrthych ble mae eich diffibriliwr agosaf, ac os oes angen byddent yn dweud wrthych beth yw'r cod allwedd, i'w agor
Peidiwch byth â rhoi'r gorau i CPR, gyrrwch rywun arall i nôl y diffibriliwr
Mae diffibrilwyr yn ddyfeisiau rhannol-awtomatig sy'n helpu rhywun mewn ataliad cardiaidd.
Ewch i nôl yr un agosaf, a mynd ag o at y claf
Bydd y diffibriliwr yn siarad â chi drwy roi cyfarwyddiadau cam wrth gam
Nid yw diffibrilwyr cymuned angen unrhyw hyfforddiant, a byddent yn helpu llawer mewn sefyllfa o ataliad y galon
Byddwch angen parhau i wneud CPR hyd yn oed os cafodd y diffibriliwr ei ddefnyddio - dilynwch y cyfarwyddiadau y mae'r peiriant yn eu darparu
A pheidiwch ag anghofio, pan fo'r galon yn rhoi'r gorau i guro mae bob eiliad yn cyfrif