Shillings for Sheets
Anfonwch gysur i gleifion sydd wir angen eich cefnogaeth eleni.
Yn lle anfon cardiau cyfarchion eleni, ystyriwch anfon rhodd i Apêl Cyswllt Iechyd Betsi Kenya "Shillings for Sheets".
Yn 2018, amcangyfrifodd y Post Brenhinol fod yr unigolyn cyffredin yn anfon 18 cerdyn Nadolig at deulu a ffrindiau. Gyda chostau postio, mae hynny'n costio oddeutu £40 - digon i brynu dillad gwely newydd ar gyfer pedwar gwely ysbyty yn Ysbyty Cyfeirio Sir Busia.
Dychmygwch faint y gallem ei godi (a faint o bapur y byddem yn ei arbed) pe byddem i gyd yn addo anfon e-gardiau nid yn unig ar gyfer y Nadolig, ond ar gyfer pob achlysur!
Mae gan welyau yn Ysbyty Cyfeirio Sir Busia fatresi gyda gorchudd plastig, a dim dillad gwely.
Gallai rhywbeth syml, beunyddiol fel hwn wella cysur i gleifion a helpu i leihau problemau gydag atal heintiau.
Ymunwch ag ymgyrch Nadolig Cyswllt Iechyd Betsi - Kenya a helpwch ni i godi £2,000 - digon o arian i brynu dillad gwely ar gyfer pob gwely yn Ysbyty Cyfeirio Sir Busia.
Cyfrannwch faint ydych chi yn ei wario ar gardiau fel arfer i brynu dillad gwely ar gyfer Ysbyty Cyfeirio Sir Busia a chael e-gardiau i'w rhannu gyda theulu a ffrindiau yn ei le.
Mae angen dillad gwely glân yn ein hysbytai rhyngwladol cysylltiedig, ynghyd ag offer newydd a gwell hyfforddiant. Bydd eich rhodd yn bendant yn cael ei chyfeirio i gefnogi Cyswllt Iechyd Betsi Kenya ond nodwch efallai na fydd eich rhodd yn cael ei defnyddio'n benodol i brynu dillad gwely.
Ffotograffiaeth gan Paul Joseph Brown | www.globalhealthphoto.com