Ar ôl cael ataliad ar y galon mae dyn o Gaernarfon wedi rhoi diffibrilwr yn rhodd i ysgol gynradd, gyda’r bwriad y bydd plant yn cael eu dysgu ynglŷn â sut allan nhw achub bywyd.
Ar ôl cael ataliad ar y galon mae dyn o Gaernarfon wedi rhoi diffibrilwr yn rhodd i ysgol gynradd, gyda’r bwriad y bydd plant yn cael eu dysgu ynglŷn â sut allan nhw achub bywyd.
Ar ôl cael ataliad ar y galon mae dyn o Gaernarfon wedi rhoi diffibrilwr yn rhodd i ysgol gynradd, gyda’r bwriad y bydd plant yn cael eu dysgu ynglŷn â sut allan nhw achub bywyd.
Cafodd diffibrilwr ei ddefnyddio ar Gwyn Roberts pan aeth yn anymwybodol yn Llandudno ym mis Chwefror eleni. Aeth aelod o’r cyhoedd i nôl y peiriant o gaffi lleol, tra bod person arall yn rhoi triniaeth CPR. Wyth munud yn ddiweddarach cafodd y peiriant ei ddefnyddio i ail-gychwyn calon Mr Roberts yn llwyddiannus, a diolch i ymdrechion y bobl oedd o’i gwmpas y diwrnod hwnnw e yn fyw o hyd.
Mae’r gŵr 77 oed nawr yn annog pawb i ddysgu am y dechneg yma o achub bywyd am ei fod, meddai, “yn brawf fod y CPR yn gweithio”.
Yn dilyn y driniaeth lwyddiannus cafodd Mr Roberts wybod y byddai’r cwmni a oedd wedi cynhyrchu’r peiriant a achubodd ei fywyd - Zoll Medical UK AED – yn cyfrannu dyfais am ddim i unrhyw un sydd wedi derbyn triniaeth gan un o’u peiriannau nhw, ac a oedd wedi goroesi’r ataliad. Penderfynodd Mr Roberts roi'r peiriant i Ysgol Llannefydd yn Sir Ddinbych.
Mae Gwyn Roberts, goroeswr ataliad y galon, yn rhoi peiriant diffibriliwr i bennaeth Ysgol Llannefydd, Sir Ddinbych, Mr Gari Evans (dde). Hefyd yn bresennol roedd Tomos Hughes, Swyddog Cymorth Diffibriliwr Mynediad Cyhoeddus (Swyddog PADS) gyda phrosiect Awyr Las o’r enw ‘Cadwch Curiadau'.
Bydd CPR a’r defnydd o diffibrilwyr yn cael ei ddysgu mewn ysgolion fel rhan o’r cwricwlwm newydd cyn bo hir, er mwyn rhoi’r cyfle i blant ledled Cymru ddysgu sgiliau achub bywyd yn gynnar iawn yn eu bywyd.
Dywedodd Julie Starling, Rheolwr Prosiect Cadwch Curiadau gydag elusen Awyr Las: “CPR a’r defnydd o beiriant defib yw’r cyfuniad gorau posibl i achub bywyd rhywun. Ni does angen unrhyw hyfforddiant ar sut i ddefnyddio diffibrilwr am ei fod yn dweud wrthoch chi ar lafar beth i’w wneud.
“Pan fyddwch chi’n ffonio 999 bydd y gweithiwr gyda’r gwasanaeth ambiwlans yn dweud wrthoch chi ble mae’r peiriant agosaf. Peidiwch â rhoi’r gorau i CPR; gofynnwch i rywun arall i nôl y peiriant drosoch chi.
“Mae CPR yn sgil hawdd iawn i’w ddysgu, a gallwch wneud hynny ar-lein hyd yn oed yn www.awyrlas.org.uk/cy/keepthebeats”
